Qeybtii 20-aad

YAAD BAD-BAADIN LAHEYD.

Beri baa nin hodon ah wuxuu ku nolaa magaalo bad u dhow, isaga iyo hooyadii iyo naagtiisa iyo carruurtiisa, wuxuuna lahaa doon yar oo quruxsan. Maalin maalmaha ka mid ah ayuu dhammaan qoyskiisii wuxuu saaray doontii, si ay hawada badda ugu soo dalxiisaan, iyagoo hawaqaadashadoodii ku jira oo mowjadihii badda iska dul heeheebaya qoyskuna faraxsan yahay hawaduna aad u degan tahay, ayaa mar kelya waxaa soo dhacay dabeyl aad u xoog badan, waayna ruxday doontii yareyd, marna circa ayey geysay marna gunta ayey la tagtay, caruurtii waxay bilaabeen inay ooyaan, kuna dshawaaqaan cod argagax leh, doontuna markaas aad ayey uga fogaatay beriga, daqiiqado ka dibna doontii yareyd afka ayey dhulka gashatay, ninkii markiiba si aad ah oo degdeg ah ayuu u fekeray, wuxuuna ka fekeray qofka uuu badbaadin karo wuxuuna naftiisii yaan badbaadiyaa hooyadey, naagteyda iyo ilmaheyga. Aniguna hal qofa ka badan ma badbaadin karo. Kumuu noqon nayaa qofkaasi ?
Ugu danbeytii waxa uu gaaray go'aan wuxuuna yir " naagteyda haddey dhimato naag kale ayaan guursan karaa, hadey caruurtayda dhintaan caruur kale waan dhali karaa laakiin hooyadey haddey dhimato ma heli karo hooyo kale, islamarkii ninkii wuxuu u dabaashaay xaggee ay hooyadii xigtay iaydii ayuu badbaadiyey waxa uu ka tagay naagtiisii iyo caruurtiisii biyaha ku hafanaya, haddii aad adigu ahaan lahayd ninkaasi oo kale yaad badbaadin lahayd?

WARAABE IYO ARRI

Beri baa koox riyo ah waxay ku noolaayeen meel duur ah oo daaq iyo biyo badan, halkaa ayey cawskoodana iska cuni jireen biyahoodana iska cabi jireen nabadgelyana ku noolaayeen,

Maalin maalmaha ka mid ah ayaa waraabe dool ah wuxuu arkay riyihii oo naax-naaxay, oo keligood meel cidlo ah iska daaqaya, wuxuuna damcay inuu intuu weeraro mid ka disho, laakiin taas muusan awoodin maalintii, oo riyihii si wadajir ah ayey waraabihii isaga celiyeen, wuxuuna sugay inta ri' ka mid ah ay ka goosmayso riyaha kale, ilaa uu arkay maal kale ri' ka fogaatay saaxiibadeedii kale si sahlan ayuuna ku ugaartay, wuxuuna dabeecadka dhigtay markii uu wadajirkooda ku dhici waayey inuu habeen kasta iyo maalin kasta ri'dii walaalaheed ka fogaata uu cuno.

Riyihii aad bay u baqeen markay arkeen iyagoo sii yaraanaya, waxayna ku heshiiyeen inaan midnakuwa kale ka fogaanin. Waraabihii wuu baahday markuu waayey wax uu ugaarsado, wuxuuna u tagay riyahii, wuxuuna maalin walba isku dayey inuu xoog mid kaga cuno iyadoon gabbasho laheyn, hase yeeshee arrintaa iyihii aad bay u dhibtay wayna ka tashadeen waraabahan arrintiisa, waxaana arigaa ka mid ahaa 7 riyood oo caqli badan, waxayna ryihii kale weydiiyeen toddobadii riyood, walaalayaalow maxaan samaynaa si aan uga bad-baadno cadowgaan. taladu markii hore mid guud bay aheyd oo riyihii oo guud baa la dhex dhigay waxayna ku jawaabeen intoodii badneyd waxayna kujawaabeen intoodii badnayd anagua,awoodno inaan waraabaha ubabac dhigno waxaanan kutalinaynaa inaan guryaheena iska joogno oo aanan daaq tagin sidaa darteedna waraabaha sugideenu ay kudheeraato taasi suura gal ma,ahan oo cunid iyo cabitaan la,aan meel kuma jiri karno ee waa inaan iska kaashanaa dilka cadowga subixii danbe ayaa ayagoo saf kaliya ah ayay soo baxeen sida askarta oo kale wayna socdeen ilaa ay tagaan waraabihii hortiisa wuxuu damcay waraabihii inuu soo weeraro laakiin way midoobeen wayna iskaashadeen ilaa ay hal mar geesaha kudhufteen waraabihii halkaas ayuu kudhintay todobadii riyad ee caqliga badnaana labo kamida ayaa dhimatay riyihiina waxay ogaadeen sida naftooda iyo dalkoodaba loo difaaco waxayna kunoolaadeen farxad iyo nabd galyo .

Qeytbtii 19-aad halkaan ka Aqriso