Dagaal culus oo u dhaxeeyo ciidamada xarakada Al-Shabaab Al-Mujaahidiin iyo ciidamo uu hogaaminayo Axmed Madoobe oo ka tirsan ururka Xisbul Islaam ayaa ka dhacay degmada Dhoobley ee gobolka Jubbada Hoose.

Dadka degan degmadaasi Dhoobley ayaa waxaa ay ku warameen inay maqlayeen hub cul-culus oo labada dhinac ay isku ridayeen saacadihii la soo dhaafay gudaha degmadaasi.

Wararka ayaa sheegaya in weerar lagu qaaday ciidamada Al-Shabaab Al-Mujaahidiin ee degmada Dhoobley, inkastoo aan weli la xaqiijin karin qasaaraha ka dhashay dagaalkaasi.

Xaaladda saaka ee degmada Dhoobley ayaa la soo sheegayaa inay degan tahay; iyadoo dagaalka uu socday dhowr saacadood kaasoo cabsi iyo walaac aad u xoogan ku abuuray shacabka.

Waxaa qeyb uu ka yahay dagaalo soo noq-noqday oo labada dhinac u dhaxeeya oo waayihii u dambeeyay ka taagnaa gobolada Jubbooyinka.

Weli ma jiro wax war ah oo ka soo baxay labada dhinac midkood waxaase laga yaabaa in ay ka waramaan saacadaha soo socda.