Qeybtii 16-aad

NIN IYO AFADII

Beri baa nin iyo afadii waxay kuwada noolaayeen meel ninka waa uu maseyr badnaa, naagtana waa ay socod iyo wareerk badneyd sidaas darted mar weliba wey isku qeylin jireen, wuxuuna ku oran jiray heblooy haddaad wreega dhaafi weydo dadkaada ayaan kugui dacweyn doonaa, iyaduna waxay ugu jawaabi jirtay markan ma inaad waalato ayaad dooneysaa waxaagu waa ka badbadise, qaraabada soo lagaama soo salaami karo? Hase yeeshee ninkii wuxuu go;aan hoose ku gaaray in uu naagta wareegeeda badan iyo weliba soo dqaahiddeda habeenkii uu dadka tuso maaddaama ay waanadiisii ay wax ku qaadan weysay.

Habeen habeenada ka mid ah ayaa sidii caadadeedu aheyd soo daahday ninkiina sidii uu u sugayaayey ayuu markii ay afarsaac aheyd ayuu albaabkii ka xirtay, wuxuuna ku dhaartay inuusan caawe ka furi doonin guriga wax xooga kadib ayey timid hase yeeshee guriga markii hore waa uu soo laabnaan jiray, caawase waa uu xiran yahay, dareen baagalay, waxayna qyaasta in uu isbedel xagga ninkeeda ah uu jiro, markasi ayey si taxadir leh u garaacday, hadal qabowne waa ay u raacisay oo waxay ku tiri hebalow waa heble iga fur guriga, hasde yeeshee wuxuu ugu jawaabay beeshii aad xilgan ka timid aad guriga kaama furayo welibana waxaan tusayaa dadkiina beri subax sida aad habeenkii u wareegto si kasto haddii ay yeeshay wey ka sasabi weyday in uu guriga ka furo, markaas ayey u degtay xeelad, waxayna ku tiri ninkii maseyrka badnaa haddii aad guriga iga furi weydo waxaan isku ridayaa Ceelka gurigeena hortiisa ku yaala adigaana loo qabsanyaa, markaasi ayuu kunyiri Ceelkaad sheegtee baddana isku rid, waa yahay bey tiri waad arki doontaa sida dadkeyga kuu qabsadaan dhagax weyn intay soo qaaday ayey Ceelkii ku sii deysay, waxayn isku tiirisay albaabka laabkiisa, ninkii markii u maqlay shaqarta ayuu si deg deg ah intuu albaabka furay ayuu Ceelkii ku orday ayadiina intey dhaqso gurigii u gashay ayey albaakii soo xiratay, isagoo ogaada xeeladdA lagu sameyey ayaa ku bryootamay walaaley halmar iga fur mar dambe kaama xirayo guriga hase yeeshee si kaste hadduu yeelay waa ay ka diiday, habeenkkina banaanka ayuu ku baryey, dadkii oo dhanna waxay ui shegtay in ninkeeda uu wareeg badan yahay, dadkiina sidaas ayey u qaateen oo naagtii ceebtii ayey iska wareejisay.

HINAASO ama Maseyr

Beri baa waxaa is qabay nin oday ah iyo gabar yar, ninka odayga wuxuu lahaa dugaan maalintii oo dhan halkaas ayuu ku maqnaan jirey, hase yeeshee odaygu wuxuu ahaa mid aad u masayr badan oo markasta shaqadiisa wuxuu ku joogi jirey welwel ah in xaaskiisa cidi la hadasho. Naagtiisa oo ahayd gabar aad u wanaagsan waxay dhawr jeer isku dayday inay dejiso, hase yeeshee dhaqankiisu wuxuu noqday dabeecad lama doorin karo.

Hadaba waxaa dhacday maalin maalmaha ka mid ah ninkii oo dukaankii ku maqan xilliguna yahay goor galab gaabad ah gabadhii oo gurigeedii hor taagan inuu soo maray wiil ay deris wada ahaaayeen oo markaas safar goboleed ka yimid, intay wada istageen bay aad isku waraysteen hase yeeshee wiilkii ayaa gabadhii wuxuu ka codsaday inay biyo uu cabo siiso, waxayna horey u gelisay gurigii, halkii ayeyna bihii intuu cabayey sheekadeedii waawaayo iyo derisnimadoodii ka sheekaysteen, inta sheekadaa ay u socotay gabadhu way wal-walaysay waayo waxay ogeyd in ninkeedu maseyr badan yahay waqtigii uu imaan jirayna soo dhow yahay. Hase yeeshee dareenkaa wiilka umaanay muujinin, wax yar kadibna albaabkii ayuu soo garaacay, gabadhii talo ayaa ku caddaatay, wax walba oo tuhun ahna way ku rumoobi doonaan haddii maanta ninkan lagu arko, si ay yeesho ayey garan weyday kolba dhinac ayey u carartay waxayna ku tiri wiilkii "Alla waa ninkaygii oo masayr badan wuu ku dilayaa ama waad isdilaysaan, war xageen ku geeyaa", wiilkii oo talo farihiisii ka haaday ayaa yiri "anigu meelna ma aqaane meeshaad doonto I gee", Fuusto afka laga gooyey oo guriga kaadkiisa taalay oo marneyd ayey tiri "gal oo dhex fariiso" albaabkiina ninkii way ka furtay, ninka waxaa la socda xamaali jawaan daqiiq ah wada, wuxuuna markiiba naagtiisii ku yiri "intuu guriga dhinac walba indhaha ugu ganay "keen burka meel lagu shubo ninka jawaankiisa daruufka wuu rabaaye" naagtii intay kolba meel haabatay ayey waxba soo wayday, ninkii xamaaliga ahaana weli culeyskii wuu saarsan yahay" isagii baa wuxuu ku yiri "war fuustada aka ka go'an isga shub waa nadiife" iyadiibaase la soo booday "maya haku shubin labada cirguduud fuustooyinka wax laguma shubo oo cirfiid baa ku jiraa la yiriye" isagii baa la soo booday "naa cirfiid iyo shaydaan midna kuma jiree ku shub" Xamaaligii islamarkiiba afka ayuu u geliyey burkii isagoo weliba taagan xooggii uu ugu dhacay burkii ninkii fuustada ku jiray ugu caburmay, oo qaylo iyo qoob isku daray kana soo booday fuustadii, isla markaana jiiray ninkii xamaaliga ahaa iyo odaygii guriga lahaa labadaba. ninkii oo rumaystay waxay naagtu sheegaysay ayaa ku qayliyey "Jinni ….. Cirfiid ….. Jinni …. Cirfiid ….". waagaa wixii ka dambeeyey naagta warkeeda ninkii ma uusan diidin..