Gabar Soomaali ah ayaa kaanlinta koowaad ka gashay tartan Qur’aan aqris ah oo ay ku tartamayeen Arday ka kala socotay 21-dal oo ay Soomaaliya ka mid tahay, isla markaasna ka dhacay dalka Liibiya.

Tartan xagga quraanka oo ay ka qeyb galeen arday ka kala socotay in ka badan 21-dal oo muslimiin ah ayaa waxaa lagu soo gabagabeeyay xarunta dalka Liibiya ee Tripoli, waxaana ku guuleystay kaalinta koowaad gabar yar oo Soomaali ah oo lagu magacaabo Xafsa C/raxmaan

Guddiga ay dowladda Liibiya u xilsaartay tartankan Qur’aaan akhriska ah ayaa gabagabadii ku dhawaaqay in Xafsa C/raxmaan ay tahay ardayadda kaalin koobaad gashay, halka kaalinta 2-aad uu galay wiil Suudaani ah, kaalinta saddexaadna uu galay wiil Morookaan ah.

Tartankan Qur’aan akhriska ah ayaa ah mid ay dowladda Liibiya sanadkasta u qabato arday ka kala socota wadmada Islaamka oo ku jirto Soomaliya, isku wada duuboo waxaa dad badan ka yaabiyey gabadhan yar ee tartankan Qur’aanka akhriska ah ku guuleysatay waxaa laga waday degaanka Ceelasha biyaha ee duleedka magaalada Muqdisho oo ah goob ay dadka reer Muqdisho badankood ku barakaceen.