Masuul sare oo ka tirsan Dalka Keenya oo si geesinimo ah uga hadlay xaqiiqda dhabta ah ee dhaibaatada ka jirta Soomaaliya iyo cidda ka masuulka ah.

Hadalka masuulkaan ayaa ku soo aadaya waqti xaaladaha dhibaato ee ka jira Soomaaliya loo waysan yahay ilaa hadda wax xal ah ayna jiraan in dalalka danaha gaar iyo kuwa fogba ka leh Soomaaliya ay bixinayaan hadallo ay ka mid yihiin in dhibaatooyinka ka jira Soomaaliya ay masuul ka yihiin waxa ay ugu yeeraan kooxo argagixiso ah ,ilaa iyaga la cirib Tirana aan wax xal ah laga gaaraynin.

Guddoomiye ku xigeenka Golaha Baarlamaanka dalka Keenaya Faarax Macallin Dawaara oo ka hadlayay xaqiiqda dhabta ah ee ka jirta Soomaaliya ayaa sheegay in Soomaaliya aysan joogin dad Soomaaliyeed oo ah waxa loogu yeero argagaxiso.

Masuulkaan oo noqonaya masuulkii heer intaasi la ek masuul ah dalka Keenya oo arrintiisaan sii ambo qaadyay ayaa sheegay in Argagixisa kali ah oo uu aaminsan yahay in Soomaaliya ay joogaan ay yihiin Ciidamada Ethiopia iyo cidda gacanta ku siinaysa in ay sii joogaanba.

Guddoomiye ku xigeenka Golaha Baarlamaanka Dowladda Keenya Faarax Macallin Dawaara ayaa sheegay in haddii ay wax argagixiso ah joogaan Soomaliya la arki lahaa lana soo bandhigi lahaa lana soo saari lahaa Maxmadaha wax lagu xumo.

Guddoomiye Faarax Macallin Dawaara ayaa waxaa kaloo uu hadalkiisa ku sheegay in argagixisa la leeyahay waxaa ay joogtaa Soomaaliya ay ujeeddeeda laga leeyahay tahay in lagu dhibaateeyo dadka iyo dalka Soomaaliyeed loogagana hor tago midnimadooda iyo sidii ay u heli lahaayeen dowlad wax ka qabata dhibaatoouyinka dhinacyada badan ee muddaba ku hagoognaa in muddo ah.

Guddoomiye ku xigeenka ayaa waxaa kaloo uu warbixintiisa uu ku tilmaamay in uu guud ahaan Ummadda Soomaaliyeed ugu baaqayo in ay xoojiyaan midnimadooda dhagahooda iyo aragtiyaddoona ay ka saaraan hadallada beenta ah ee la doonayo in lagu kala qayb qabiyo dano gaar ahna loogaga gaaro.

Xafiiska Wararka
falaar.com
falaar.com@hotmail.com