Eedayn iyo dhaliil xoogan oo loo jeediyay xildhibaannada ka hadlay arrinimihii ugu dambaysay ee Kismaayo.

Qaar badan oo ka tirsan bulshada Soomaaliyeed ayaa dhaliil iyo cambaarayn ballaaran u jeediyeen xildhibaannada ka tirsan kuwa Dowladda fedaraalka ah ee shalay shirka jaraa-id ee ay kaga hadlayeen dagaaladii dhowaan ka dhacay Magaalada Kismaayo ku qabteen Magaalada Baydhabo.
Arrintaan ay xildhibaannadaasi shirka Jaraa-id ee ay Baydhabo ku qabteenMaalintii shalay taariikhduna ahayd 23/8/2008 ay ugaga hadleen

Dagaaladii maalmihii la soo dhaafay ka dhacay Kismaayo, eryiddii Col Xildhibaan Barre Aadan Shire iyo Kooxdiisiiba ay ugaga saareen Xoogagga Xaq u dirirka Soomaaliyeed Magaaaladaasi .jawaabtii ay ka bixiyeen qaar ka mid ah xildhibaannada Dowladda Fedaraalka ee Baydhabo ayay ka yiraahdeen qaar ka mid ah bulshada Soomaaliyeed in xildhibaannadaasi ay yihiin kuwo qabiilka caabuda balse aan qiimaynin xaqiiqaha ka jiray Kismaamyo ee ahaa dhibaatooyin ay sababeen Barre iyo kooxdiisaasi.taasina ay nasiib darro tahay iyo xumaan ku taageerid ay ku dhaqaaqeen xildhibaannadaasi ayna ugu difaacayaan xumaantoodaasi..

Bulshadaan aragtiyadooda ku dhaliileen Xildhibaannada difaacay Col Barre Hiiraale iyo kooxdiisii Kismaayo laga eryay ayaa sheegeen in aan xisaab lagu soo koobi Karin qaladaadka dil,dhac,afduub,xayiraad iyo kuwo la mid ah oo ay kooxdaasi Kismaayo ka gaysteen muddadii ay sida qabiilka ah ugu amar ku taaglanayeen.oo ay ka mid ahaayeen dilkii Shaqaalihii Gargaar u fidiyayaashi Shacbiga Tabaalaysan ee MSF iyo ka eryiddoodii Kismaayo iyo deegaannada la xariira .dilkii Wariye Naxteex Daahir,Afduubyo qaar badan oo ka mid ah howlwadeennadii Hay.adihii samafalka ee kale ,iyo dad kale oo fara badan iyo dhibaatooyin kale aadna u badan oo ay u gaysteen dadka reer Kismaayo

Bulshada dhaliishaan u jeedisay xildhibaannada ay isku haysbta yihiin Col Barre Hiiraale oo aragtidooda sii ambo qaadayeen ayaa tilmaammeen in xildhibaannadaasi ay ceeb ku tahay in hadda ka hor aysan ka hadlin waxna ka qaban dhibaatooyinkaasi ay muddooyin dheer ku hayeen kooxdaasi guud ahaan iyo gaar ahaanba bulshadii ku noolayd Kismaayo iyo deegaannada la xariiraba.

Waxaa kaloo ay bulshadaani ku dhaliileen aragtida qaldan ee ay aaminsan yihiin xildhibaannadaasi waa sida ay hadalka u dhigeene oo ah in ay hilmaansan yihiin in Kismaayo iyo deegaannada la xariira degaankeeda marka laga hadlo tirade iyo u soo kala horraynta dadka daga ay Col Hiiraale iyo Beeshiisu ka yihiin kuwo tiro ahaan ugu yar,suurto galna aysan ahayn in hal beel ay xoog ku haysato ugu yaraan baqolaal beelood sidoo kalana la og yahay in Beesha Hiiraale intii ay qoriga caaraddiisa ku haysteen kismaayo ay iyagu qaadan jireen kuna amar ku taaglayn jireen Khayraadka iyo Maamulka halkaasi ee ay ugu horreeyaan Dakadda iyo Garoonka diyaaraha iyo maamalidda dakhliyada kalaba.

Waxaa kaloo ay aragti dhaliilkooda ku sheegeen bulshadani in cidina aysan bulshada fara badan ee reer Kismaayo iyo deegaannada la xariiba ku qasbi Karin in mar kale ay Col Barre Hiiraale iyo Kooxdiisa qabiil isku aamin ku amar ku taagleeyaan.Xoogagga xaq u dirirka ee tilaabadaasi meel mariyayna aysan ahayn kuwo qabiil shaqo ku leh ayna ku ammaanan yihiin bulshada reer Kismaayo la garab istaagayaan taageeradooda dhinac walbo ah.

Xafiiska Wararka
falaar.com
falaar.com@hotmail.com