Col-ku ma ku qanci doonaa dhexdhexaadinta nuxurkeedu yahay candhuufta dib u liq..?!!!

Wararka ka imaanaya Magaalo Madaxda dalka Ethiopia ee Addis Sababa ayaa sheegaya in dhacdhaxaadinta muddaba laga dhax waday Madaxweynaha Dowladda Fedaraalka ah Cornayl Cabdullaahi Yuusuf Axmad iyo Cornalka kale Nuur Xasan Xuseen (Nuur Cadde) oo ah Raysul Wasaaraha Xukuumadda dowladdaasi ayaa sheegaya in marka la eego arrimihii ay isku maandhaafsanaayeen intoodii badnayd loo ansaxiyay sax ku ahaanshahooda Raysul Wasaare Nuur Cadde.

Madaxweyne Cabdullaahi Yuusuf ayaa arrimaha la sheegay in laga ansixiyay loona tusay in loogaga saxan yahay waxaa ka mid ah In xilka qaadistii lagu sameeyay Guddoomiyaha Gobolka Banaadir ahaana duqii Magaalada Muqdisho Maxamed Cumar Xabaab(Maxamed Dheere) ay sidoodii ansax u tahay iyo mid aan laga daba hadli karin,in Raysul Wasaaruhu u madax bannaan yahay howlaha kala duwan ee Xukuumadda iyo hay.adaha kalaba madaxweynuhuna uusan shaqo ku lahayn arrimahaasi sida Magacaabista xilalka kala duwan iyo ka qaadistoodaba sida Kuwa golaha Wasiirada.Hay.adaha fulinta.Madaxda gobollada .Dagmooyinka iyo wixii la mid ahba.

Wararka arrintaan la xariira oo ah kuwo ilo badan oo lagu kalsoonaan karo ka soo kala baxaya balse aan wali meel fagaare ah laga sheegin ayaa haddii ay xaajadu sidaasi noqoto waxaa macnaheedu noqonayaa in Madaxweynaha Dowladda Fedaraalka Cornayl Cabdullaahi Yuusuf Axmad dhaxdhaxaadintaasi noqonayso waa lagaa saxan yahay ee candhuufta dib u laq.

Haddaba Madaxweynaha Dowladda Fedaraalka Cabdullaahi Yuusuf Axmad oo muddo dheer soo ahaa Sarkaal Melatari oo aan laga dabo hadlin,Guddoomiye Jabhad oo waqtigaasi laftiisa aan laga dabo hadli jirin iyo Madaxweynenimo awood buuxda lahaaa ee muddo ka badan 10 sanadood ayaan la ogayn sida uu ugu qanci doono dhaxdhaxaadintaasi macnaheedu yahay candhuufta dib u laq waa lagaaxan yahaye kana gacmo duubnoow dhammaan howlaha mamaul iyo siyaasadeed ee Xukuumadda aad ku magacaaban tahay Madaxweynaheeda,iyadoo ay dhanka kale muuqato in uu xubnaha golaha Baarlamanka oo kali ah kaheli karo kalsooni uuba kaga takhalusi karo ninka ay is hayaan ee Raysul Wasaare Nuur Xasan Xuseen(Nuur Cadde) ,iyadoo Baarlamaankaasina ay Waardiyeeyaan Ciidamada Dowladda Ethiopia ee dhaxdhaxaafintaan soo go.aamisay dowladdoodu.

Hadal iyo dhammaantiis sida arrimuhu ay noqdaan ciddii gaarta waa la arki doonnaa.

Xafiiska Wararka
falaar.com
falaar.com@hotmail.com