War saxaafadeed
looga hadlay heerka dhibaato ee ay gaarsiisan tahay xadgudubyada
bulshada oo laga soo saaray magaalada Gaalkacyo
W arsaxaafadeedkaan oo uu soo saaray Dhaqdhaqaaqa
nabadda iyo ilaalinta xaquuqda aadanah ee marka magaciisa la
soo gaabiyo la yiraahdo UNNAXA ayaa aad loogugu faahfaahiyay
heerka uu gaarsiisan yahay xadgudubyada waqtigaan lagu hayo
bulshada gobolka Mudug ayna ka dambeeyaan dhinacyo badan oo
isugu jira dabalay hubaysan ,maaullo iyo wax ma garad kale.
Warsaxaafadeedkaan oo uu u saxiixnaa guddoomiyaha
Dhaqdhaaqaasi Abwaan Cali Deeq Maxamed Xaashi ayaa lagu yiri:-
Anigoo ku hadlaya Magaca dhaqdhaqaaqa Nabadda
iyo Xuquuqda Aadamaha ee UNNAXA, kana mid ah ururrada bulshada
rayidka ah ee GalMudug, waxaan rabaa inaan halkan ku muujiyo
sida aan uga xunnahay amni-darrida ay aqool-xumadu keentay ee
ka jirtay baryahan Koonfurta Gaalkacyo.
Soomaalidu waxay ku maahmaahdaa " Waxaad
qarsato way ku qarsadaan. Koonfurta Gaalkacyo way ka Nabad fiicnayd
Woqooyiga Gaalkacyo bil ka hor. waxaana taas daliil u ah in
dadkii Soomaaliyeed ee W/Gaalkacyo ugu noolaan-waayay Nabad-galyo-xumo
ay u soo qaxeen K/Gaalkacyo, halkaas oo ay ku nafiseen!.
Waxaan rabaa inaan halkan ku soo gudbiyo dareenka
walaaca leh ee bulshadeennu ay ka qabto maalmahan xagga amniga.
waxayna ahayd dhacdadii ugu dambaysay Isbaaro ay barqanimadii
23/08/2008 dhigteen koox gadood ahayd oo ka tirsan ciidanka
GalMudug koontaloolka maamulka GalMudug ee laammiga Koonfurta
Gaalkacyo. waxaana rasaas xoog leh ay kooxdaas is-dhaafsadeen
koox kale oo ciidanka GalMudug ah oo ilaalo ka ahayd dakhliga
maamulku uu ka qaato halaasi ee ah koontaroolka K/Gaalkacyo.
nasiib-wanaag rasaastaas ma keenin dhimasho iyo dhaawac midna!
duhurnimadii shalay ayaa wax-garad madax-bannaan oo uu ka mid
yahay Nuur-Ganey, oo hadda ah nin ganacsade ah, horayna uga
mid ahaa saraakiisha ciidanka deegaannada GalMudug, waxay ku
guulaysteen inay qaadaan isbaaradii ay dhigteen Kooxdii ka tirsanayd
ciidanka GalMudug ee gadoodsanayd. waanan u mahadcelinaynnaa
cid kasta oo gacan ka gaysatay qaadista isbaaradaas.
waxaan cambaaraynaynnaa falkaas gurracan ee
isbaarada!. iyo sidoo kale xad-gudub kasta oo jira!. sida muwaadiniinta
sida shar-ciddarada ah muddada dheer af-duubka loogu kala haysto
Woqooyiga iyo Koonfurta magaalada Gaalkacyo.
Waxaa nasiib-darro ah, in muddadii saacadaha
ahayd ee kooxdaas ay isbaaradu u taallay, labo koontalool oo
is-ag taalla oo ciidanka GalMudug u wada taalla, looga gaadayay
gaadiidka safarka ah labo lacagood,
waana markii 2-aad oo muddo 3 toddobaad gudohood oo kooxdan
ka tirsan ciidanka GalMudug ay iyagoo wax tabanaya isbaaro dhigtaan
laamiga. inkasta wax la taban karo haddana waxaa ceeb ah in
sharciga gacmaha lagu qaato oo isbaaro sharci-darro ah la dhigto.
waxaan sidoo kale halkan ku muujinaynnaa niyad-jabka ay bulshada
GalMudug ku rideen masuuliyiinta Gaalkacyo joogta ee xilligan
hoggaaminaysa GalMudug, kuwaasoo iimahooda ugu darani ay yihiin
marin-haabin, karti-darro, hal-abuur xumo iyo talo-qaadasho
la-aan. waxayna shaqadoodii oo dhan ku soo koobeen masuuliyiintaasi
inay shirar iyo xaflado ka qudbeeyaan!. si loogu masawiro!.
waxaanan u aragnaa kuwaasi inay gabeen masuuliyaddoodii. ayna
ka meermeerayaan inay wajahaan arrimaha muhiimka ah ee xalka
u baahan ee waajibka ku ah!. sida; wax-ka-qabashada Nabadgalyada,
Galsoorka iyo dhaqaalaha. waxayna rabaan inay rayulcaamka qaldaan.
jaaliyadaha dibaddana ay ka indha-saabaan xaqiiqada! Xaqiiqo
ahaanna waxay ku sifoobeen Darandoorri taagnow"!.
© Arrow Online.com 2008 ®