Labo ruux oo ku
dhaawacmay Qarax ka dhacay agagaarka xarunta UNDP ee magaalada
Muqdisho
Agagaarka xarunta hey’adda UNDP oo ku taala inta u dhexeysa
garoonka dayuuradaha Aadan cadde iyo isgoyska Km-4 degmada Hodan
ee magaalada Muqdisho ayaa barqanimadii maanta waxa ka dhacay
qarax u xooggan oo gilgilay deegaankaasi oo dhan sida dad goob
joogayaal ahi sheegeen.
Qaraxan oo loo adeegsaday miinada dhulka geliyo ee sheeda laga
hago ayaa lala beegsaday gaari Roonet ah oo ay la socdeen labo
nin oo la sheegay iney ka mid ahaayeen ciidanka canshuuraha
ee garoonka dayuuradaha, waxaana lagu soo waramayaa in lala
helay gaarigaasi oo xiligaasi marayey meel u dhow xarunta heydada
UNDP.
Warka ayaa intaa ku daraya in qaraxaasi ay ku dhaawacmeen labadii
nin ee gaarigaasi la socday oo mid ka mid ah la sheegay in xaaladiisu
ay aheyd mid halis ah ka dib markii ay labadiisa lugood ay go’een,.
Iyadoo daqiiqado ka dib ay goobta soo gaareen ciidamo ka tirsan
kuwa DF oo ku hubeysnaa gaadiidka dagaalka, kuwaasoo rasaas ooda
kaga qaaday dadkii goobahaasi ka dhowaa oo iyana ka kala cararay,
inkastoo aan la sheegin waxyeelo ka dhalaatay rasaastaasi, waxayna
ciidamadu halkaasi ka sameeyeem baartiaano aan la ogeyn wax ay
ku soo qabqabteen, iyagoo sidoo kalena ka qaaday dhaawaca labada
ruux ee qaraxaasi ku dhaawacmay.
© Arrow Online.com 2008 ®