ilahaas ayaa intaa ku daray in labada dhinaca ee kulanka wada yeeshay ay u sheegeen in la isla gaaray isfaham hor dhac ah oo wax ku ool ah isla markaana ay Meesha ka baxeen Tuhuno iyo kala didsanaan ka dhex jirtay Islaamiyiintii wada qabsaday kismaayo.

Si dhab ah looma sheegi karo illaa iyo hadda ajandayaasha ay ka wada hadleen iyo waliba Natiijada ka soo baxday balse waxa ilo xog ogaal ahi sheegayaan in la wado Barnaamijyo farsamo iyo waliba qaabkii Maamulka iyo ciidamada loo kala habayn lahaa.

Dhinaca kale warka ayaa intaa ku daraya in labada dhinac si joogta ah loo soo gaarsiinayo Talooyin iyo Barnaamijyo lagu xalinayo arinta Kismaayo taas oo ay dal iyo dibadba ka soo dhiibayaan wax-garad soomaaliyeed oo damacsan in ay wax lagu farxo oo aan dhibaato keenayn ay ka dhacaan kismaayo.