Go,aan dacwad ka dhan ah Madaxweyne Cabdullaahi Yuusuf oo ilaa 150 xildhibaan ay diyaariyeen.

Wararka ka imaanaya Magaalo Madaxda Gobolka Baay ee Baydhabo ayaa sheegaya in la soo gunaanaday kulan ballaaran oo maalintii shlaay oo dhan uga socday Huteelka Bakiin ee Magaaladaasi

Kulankaan oo saldhiggiisu ahaa difaacidda Raysul Wasaare Nuur Xasan Xuseen(Nuur Cadde) iyo xukuumadda uu madaxda u yahay ayaa difaaciddaasi ka sakoow waxaa lagu soo diyaariyay mooshin ujeeddadiisu tahay in xilkaba loogaga xayuubiyo Madaxweyne Cabdullaahi Yuusuf Axmad.

Qaar ka mid ah xildhibaannada shalay ku shiray Huteelka Bakiin ee Magaalada Baydho oo saxaafadda u faahfaahinayeen go,aannadooda ayay ku sheegeen in a ay isla meel dhigeen in dhibaatooyinka ay dowladda fedaraalka iyo dastuurkii ay soo dagsatabayba ay u socon waayeen uu yahaay Madaxweyne Cabdullaahi Yuusuf Axmad.

Xildhibaannadaan oo ay ka mid ahaayeen Xildhibaannada kala ah Xaabsade,Dhagdheer iyo kuwo kale ay diyaariyeen mooshinkii lagula xisaabtami lahaa Madaxweynaha fartana loogaga saari lahaa qaladaadka faraha badan ee uu ka galay dowladda fedaraalka iyo Dalkaba.

Xildhibaan Dhagdheer ayaa si gaar ah u sheegay in mooshinka ka dhanka ah Raysul Wasaare Nuur Cadde haatanna ka socda Baarlamaanka xaataa haddii xilka loogaga qaado Raysul Wasaare Nuur Cadde iyo Xukuumaddiisa uu ku xigi doon mooshinka la diyaariyay ee ka dhanka ah Madaxweyne Cabdullaahi Yuusuf ayna u badan tahay in xilka loogaga xayuubiyo markaas ka dibna muddo 30 cisho ah uu xilkaasi si ku meel gaar ah u sii hayn doono Guddoomiyaha Baarlamaanka sida dastuurku uu qabo markaasi ka dibna uu Baarlamaanku dooran doono Madaxweyne Cusub.

Mooshinadaan iska soo horjeeda ee xubnaha Baarlamaamka ka kala imaanaya ayna ku kala taageerayaan Madaxweynaha iyo Raysul Wasaaraha ayaa ku soo aadaya waqti Magaalada Addis sababa shalay laga sheegay in lagu heshiisiiyay 2daasi Masuul.