Dagaal xoogan oo saaka ka biloowday deegaanno ka tirsan Magaalada Muqdisho.

Dagaal ballaaran una dhaxeeya Ciidamada Dowladda Ethiopia iyo kuwa Dowladda Fedaraalka oo dhinac ah iyo xoogagga ka soo horjeeda oo dhinac ah ayaa ah mid aad iyo aad u xoog badan ilaa iyo haddan socda muddo ka badan 50 daqiiqo ,iyadoo xooggiisu uu ka biloowday Xaruntii Saraakiisha Shiirkole.

Dagaalkaan oo wali aan warbixintiisa marka la eego khasaaraha uu gaystay faahfaahin dheeraad ah laga haynin ayaa marka laga tago dhinaca Shiirkale ee uu ka biloowday ka sakoow waxaa uu ku faafay deegaanno kale oo ay ka mid yihiin Tarbuunka.

Khasaaraha dagaalkaan oo loo malaynayo in uu ballaarnaan doono marka la eego muddada dheer ee uu socday iyo hubka aadka u culus ee lays dhaafsanayo ayaan wararkeenna dambe haddii ALLAAH idmo idin ugu soo gudbin doonno.