Mas’uuliyiinta sare ee DF oo dib ugu soo laabtay dalka, iyagoo ka soo wad degan magaalada baydhabo

Madaxweynaha Dowladda KMG ah ee Soomaaliya C/laahi Yusuf Axmed iiyo Ra'iisal Wasaare Nuur Cadde iyo guddoomiyeha Baarlamaanka Sheekh Aadan Madoobe ayaa maanta dib ugu soo laabtay dalka, iyagoo ka soo degay garoonka diyaaradaha Magaalada Baydhabo kadib markii Madaxweyne iyo Ra’isal wasaareha, khihaafkoodii lagu soo xaliyay Magaalada Addis-Ababa ee xarunta dalka Itoobiya.

Wararku waxa ay sheegayaan in sadexda Mas’uul si wayn loogu soo dhaweeyay Magaalada Baydhabo kadib markii ay garoonka uga hortageen tiro ka mid ah mudanayaasha Baarlamaanka, waxaana mas’uuliyintaasi oo saxaafada la hadlayey ay sheegeen in haatan la dhameeyey khilaafkoodii xaaladuna ay tahay mid caadi ah.

imaanshaha ay magaalada Baydhabo ku yimaadeen saddexda mas’uul ee ugu sareysa DF gaar ahaan madaxweynaha iyo ra’isul wasaaraha ayaa ku soo beegmaya xilli xildhibaanada baarlamanka ee ku sugan magaaladaasi oo la kala safan labada mas’uul ay wadaan labo mowshin oo iska soo horjeeda, kuwaasoo ka dhan ah madaxweynaha iyo ra’isul wasaaraha, salkana ku haya khilaafka la xaliyey ee labada dhinac soo kala dhex galay, lamana oga qaabka ay labada mas’uul uga dhaadhicin doonaan xildhibaanbada kala taageersan ee mowshinada iyaga ka horjeeda la kala ordaya sidii ay u joojin lahaayeen.