Dhibaatada colaadeed Gaalkacyo oo wali xal loo layahay iyo is eedaynta Madaxweynayaasha Gal Mudug iyo Puntland.

Wararka ka imaaanaya Magaalo Madaxda gobolka Mudug ee Gaalkacyo ayaa sheegaya in wali wax xal ah loo waysan yahay dhibaatooyinka colaadeed ee waxeelada loogugu gaysanayo shacabka walaalaha ah ee ku wada nool Magaaladaasi.

Dhibaatooyinkaan oo ay ka mid yihiin in muddo ka badan 14 cisho khafaal waqooyi iyo koofurta Magaalada Gaalkacyo loogu kala haysto dad iyo gaadiid fara badan ayna wehliyaan dilal iyo dhaawacyo isugu jira kuwo qorshaysan iyo kuwo burcadnimo lanana xariirinayo khilaafka u dhaxeeya 2da maamul ee ka wada jira Magaaladaasi kalana hoos taga dowlad goboleedyada Puntland iyo Gal Mudug ayaa u muuqda in arrimahaasi dhibaato ay sii xoogaysanayaan marba marka ka dambaysa wax xal ah oo wali laga gaarayna aysan jirin.

Khilaafkaan iyo is inkiridda Maamullada ka wada jira Waqooyiga iyo Koofurta ayaa waxaa tusaalihii ugu dambeeyay laga garan karaa tusaalana loogaga soo qaadan karo hadalladii ka soo kala yeeray madaxweynayaasha Puntland Gen Maxamuud Nuuse Xirsi iyo Galmudug Dan jire Maxamed Warsame Cali(Kiimiko) oo isku eedeeyeen nabad galyo xukumada ka jirta halkaasi iyo waliba is kaashi la,aan baahsan oo ka muuqanaya hadallada madaxweynayaashaasi.

Madaxweyne Cadde Muuse ayaa dhinaca Gal Mudug sheegay in uusan marna aqoonsan doonin iyadoo sababta uu ka dhagay in Puntland ay aqoonsan tahay dowladda fedaraalka Gal Mudugna aysan aqoonsanayn.dhibaatooyinka ay dhinacaasi gal mudug ay ka tirsanayaanna ay wadaan dad ka yimid dibadaha sida uu hadalka u dhigay isagoo aan caddaynin qaabka ay yihiin dhibaatooyinkaasi.

Dhinaca kalana Madaxweynaha Dowlad goboleedka Gal Mudug Danjire Maxamed Warsame Cali(Kiikimo) ayaa dhankiisa sheegay in ay san waqtigaan waqooyiga Gaalkacyo ka jirin maamul ka wakiil ah puntland,dhibaatooyinka la doonayo in laga dhax abuuro dadka walaalaha ah ee wada daga Gaalkacyana ay wadaan dad aan u dhalan Gaalkacyo.

Hadaladaan is dafiridda iyo is eedaynta 2da Madaxweyne ee Puntland iyo Gal Mudug Gel Maxmuud Muuse Xirsi Cadde iyo Danjire Maxamed Warsame Cali(Kiimiko) oo arrimahaan ku muujiyeen waraysiyo ay saxaafaddu la yeelatay iyagoo wada jooga Magaalada Jabuuti ayaa xaaladaha khilaaf ee deegaankaasi ka sii dhigaya kuwo aan xalintoodu wali dhawayn khatartoodana yeelan kara/.