Digniino loo jeediay dhinacyo kala duwan.

Iyadoo waqtigaan Soomaaliya ay ka jiraan dhibaatooyin dagaal,iskhilaaf,sicir barar,bara kac iyo jiritaan xad gudubyo magaca diinta lagu gaysanayo oo la kala tirsanayo ayaa waxaa soo baxaya wacdiyo iyo muxaadarooyin is dhinac socda oo ay hormuud ka yihiin culumo awdiin waa wayn oo ka tirsan kooxaha diinta islaamka ee dalka ka jira.

Muxaadarooyinkaan oo ka dhacaya masaajidda waa wayn,dugsiyada,xaafadaha qaarkood iyo goobo kale ayaa culumo awdiinka soo jeedinayaa waxaa ay tilmaamo ka bixinayaan sida ay waqtigaan dalka Soomaaliya waajibka uga tahay ka wada qayb qaadashada Jahaadka dalka loogaga xoraynayo gumaysatada Gaalada Madoow ee Ethioia iyo inta gacanta ku siinaysa gumaadka ay ciidamadeedu ka wadaan Dalka Soomaaliya.

Culumo awdiinkaan ayaa muujinaya aragtiyo iska soo horjeeda marka la eego qaabka loola dhaqmayo dadka lagu tuhmo in ay la shaqeeyaan Ciidamada Ethiopia iyo kuwa la mid ahba iyo dowladdaba.

Qodobkaan oo u muuqda in uu yahay kan ugu culayska badan ee waqtigaan ay ku salaysan yihiin muxaadarooyinka iyo wacdiyada culumo awdiinkaasi ayaa qaarkood qabaan in dadkaasi aysan jirin wax ay kaga duwan yihiin gaalada dalka ku soo duushay,ka takhalusidda naftooda iyo qaadashada naftooduna ay bannaanaayso.

Marka la eego muxaadarooyinkaan ay qabanayaan culumo awdiinka oo waqtigaan u muuqda kuwo si joogto ah loo qabanayo ayaa waxaa dhanka kalana jira war bixinno soo baxaya oo sheegaya in ay jiraan culumo awdiin qaba daliilo arrimahaasi ka dudan aaminsanna in aan qof muslim ah ashaadanayana aanay diinta Islaamku ogalayn in layska dilo hantidiisana layska qaato ,balse loo baahan yahay in arrintaasi loo celinayo culumoada aqoonteeda u leh oo ka sii shuuraynaya ayna ka sii horraynayso in dadka nuucaasi ah loo jeediyo su.aalo.caqli u celinno ,digniino iyo talooyin la xariir a in xaqa la tuso laguna waaniyo in ay isaga haraan gaalada iyo macoodaba ayna dhinac ka raacaan jahaadka xaqa ah ee dalka loogaga xoraynayo Gumaysatada Ethiopia iyo inta garabka ku siinaysa gardaradeeda gaalnimada iyo gumaysi doonka ku salaysan.

Digniinaha ay culumo awdiinkaani u jeedinayaan naf ahaantooda iyo tan guud ahaan shacbiga Soomaaliyeed ee Mulimiinta ahba ayaa waxaa ka mid ah in waajib muqadis ah ay ku tahay in naftooda,maalkooda ,aqoontooda iyo talooyinkoodaba ay ugaga qayb qaataan Jahaadka xaqa ku ah diinta Islaamka ,iyagoo uga digeen in qofkii ka qayb qaadan waaya jahaadkaan haatan socda ay diinta islaamku ugu yaboohday caro ALLAAH iyo ku caasin Amarada Nabigeenna Muxamed Nabad galyo iyo naxariis kordhiisaha ha noqotee.

Warbixinnada arrimahaan la xariira ee na soo gaaraya ayaa waxaa ka mid ah in muxaadarooyinkaan qaarkood lagu sheegay in Kulannadii lagu kala qaybtay Jabuuti ee koow iyo 2bo,kii Sanca iyo Jalalaqsiba ay ahaayeen kuwo sirqoollo loogu dhigayo habsami u socodka Jahaadka xaqa ku ah Diinta Islaamka ee haatan ka socda dalka Soomaaliya

Digniinaha waanada wata ee ay soo jeedinayaan culumo awdiinkaan qaarkood ayaa waxaa ka mid ah in cidkasta oo Ethiopia u shaqaysa amaba dabo dhilif u noqota ay la kulmayaan dhibaatooyin waa wayn oo ay ka mid yihiin in ay iyadu disho waxa kali ah oo ay taqaannaa ay yihiin xabad